Мел йоккха халонаш нийсъяларах, вай даим кийча да моллагӏча новкъостал эшача сага накъадаха. Вай кийча да дезала, къаман духьа къахьега, кхыча беса из хила йиш йолаш а дац. Вай декхарийла да дикала цӏи дӏайовргйоацаш лелае.

Магаса культуран, спорта, туризма керттера моттиг хӏара шера хьалкхебеш я бехктокхаме бола, таханарча заман кагирхой. Цига къахьегача наха дукха терко лоаттаю дукхача дезалашта, иштта таро йоацарашта.

Цар декхар да Даьхенцара безам бовзийтар, берал хозагӏа де, иштта начӏал дегӏадоаладе.

Сакъердаме кхетаченаш дӏаяхьара болх тӏаберзабаь ба таро йоацача фусамашкара, дукха дезал барий, Лаьрххӏача операце бӏухой фусамашкара бераш цу юкъеозара, царна салоӏам бара, кхетам балара оагӏув хьаллоацаш. Из керттерча декхарах да»,- аьлар ЦКСиТ кулгалхочун гӏончас Янданаькъан Абте.

Цига тӏеххьара хинна экскурси дика дӏаяхьа таро хилар. Цу моттигерча болхлоша Пригородни кхален Мочкъий-Юртарча (Чермен) боккхача дезалерча викалашта, къонача боксёрашта, иштта латархошта йицлургйоаца экскурси йир Гӏалгӏайче гӏолла. Царна гойтар Магасера Гӏалгӏайчен культуран моттигаш, сийленгаш. Дог гӏоздаьнна бераш сурташ доахаш, хехкалуш хилар электромобилашца. Цу дийнахьа цар дика аьттув бар керда новкъостий бовза, иштта маьлха шахьар Магас йовза.

Из дика гӏулакх хьаллаьцар Магас-Шахьара кулгалхочо Тиймарзанаькъан Мусас, иштта дика вовзаш волча Ховтанаькъан Рамзана. Царна а лоархӏаме дар цу тайпара дола дика гӏулакхаш хьаллацар, хӏана аьлча бераш вахара зизаш да.

Цу тайпара кхетаченаш хьалхара дӏахьош яцар культуран, спорта, туризма керттерча моттиге, уж массаза кийча ба новкъостал де. Цу моттигаша довзийт ший къаман истори, культуран оагӏонаш, дешара боарам а лакхбу.