Устремленный к успеху
«Къаман кхоллама гIоръяьнна тоаба» яха цIи елар «ТIаргам» яхача берий ансамбла.
Детскому хореографическому ансамблю «Таргим» Карабулакского городского Дома культуры, являющемуся образцовым художественным коллективом Республики Ингушетия, присвоено почетное звание «Заслуженный коллектив народного творчества». Приказ об этом подписан главой Министерства культуры России Ольгой Любимовой 10 января нынешнего года. Таким ярким, вдохновляющим и радостным стало для народной культуры Ингушетии, в очередной раз получившей высокое признание, начало наступившего нового года.
«Россерча моттигий культуран оагIув хьаллоацаш, болх дIабихьарашта луш я цу тайпара цIи. Цхьа моллагIйолча тоабан аьттув балац цунга кхача. Къаман исбахьален кхолламе итт шерал дукхагIа къахьегаш, Россе миIингашкарча бахархошта шоай болх бовзийташ, тайп-тайпара лакха цIераш телаш хьабаьхкача къахьегамхошта лу из.
Тхона дикахетар хиннад цу гIулакхах, вай мехкарча тоабанна эггара хьалха луш ма йий иштта йола цIи, — дийцар тха газетага къаман кхоллама цIен кулгалхо йолча Котанаькъан Марема. — Цу берий ансамбла кулгал дер ва «Россе са» яхача РФ паччахьалкхен преме лауреат вола халхарча Беканаькъан Адам.
Бера хана денз, къаман халхар Iомадеш, хьавенав из саг. «ТIаргам» яхача берий ансамбла кхоллама никъ аьттув болаш хьабоагIа, хьалхарча дийнахьа денз. Шоай гIулакх дика ховш дола цу ансамблера бераш дуккхача моттигашка дIадайзад тахан.
Из ансамбль юкъе йоацаш, цхьаккха хIама дIадодац вай республике. Лакха начIал долча цу бераша мехкал арахьа а дикка дIойовзийтай вай республика.
2013-ча шера денз, шоаш дIа мел бахача лакха толамаш доахаш, грамоташ, премеш телаш, хьабоагIа уж. Ханага диллача доккха деце а, цу берашта хов, хьажархой цецбоахаш, шоай болх дIабахьа.
ДIа мел бахачара, толамаш доахаш, цIаихаб уж. Ансамбла хьалха латтача болхлочо къахьег, из иштта хилийта гIерташ».
