Хьалха латта оагIонаш
РФ берий бокъонаш лораечунца, кхетаче дIайихьар Мехкадас
РФ берий бокъонех болча оагIон хьалха латташ йола Львова-Белова Мария кхаьчар вай республике. Бойла дисача берий вахара оагIонцара гIулакхаш тахка енаяр мехка йоккха хьаким. Вай мехкадаьца Келаматанаькъан Махьмуд-Iаьлаца къамаьл деш, цо белгалдир, да-нана доацаш дисача берашта тIахьожам лоаттабарах, терко еча гIулакхех вай республика мехка белгала йолга.
«Къаьстта цо из теркалдар дега тоам хулаш дар. ГIалгIай мехка хьаийбаь дезалаш бац, бойла диса бераш шоай гаргарча наха леладу, цар терко еш я», - аьлар вай Мехкадас цу кхетаченах дувцаш. Республикан кулгалхочо теркалдир, федеральни оагIонгара моллагIа тайпара гIо вайна лоархIаме долга. Кхетаче чакхйоалаш, Львова-Белова Марияс хьоахадир, республике керда вахара-реабилитационни гIишло хьалъеш гIо дергда шоаш, аьнна. Берашта эшаш дола новкъостал хургда цу моттигах.
