Кулгалхой гӀулакхаш
Губернаторий бокъонаш лакхйир
Республикерча шахьарий, юртий администрацешта хьалхалаттарашца ювзаенна мехкий кулгалхой бокъонаш шоаш хинначарел кхы а лакхъеш долча каьхата кулг яздир Президента Путин Владимира. ХӀанзчул тӀехьагӀа, администрацей кулгалхошта тайп-тайпара гӀод тохарал совгӀа, уж шоай балхара дӀабаха бокъо я мехка кулгалхочун.
Балхара чувахийта йиш йолча бахьанех да, балхацара кхоачамбоацараш дӀадаха аьнначул тӀехьагӀа, бутт балале уж дӀадаьха цахилар. Ахчанца, гӀишлон балхашца дувзаденнача хаттарашта тӀагӀолла, даиман мехка кулгалхошта, шахьара даьшта юкъе латташ долча довний юхьиг хоадаеш да таханара хувцамаш.
ГӀалгӀай мехка цу оагӀонцарча говзанчаша белгалдечох, Россе моттигашта кулгалдечар аьттув хургба, вахара-экономикан хьалаца дувзаденнараш ханнахьа нийсде.
ХӀаьта из тахан къовсамашка, дӀаьхденнача хабарашка даха ха йоацача хана, геттара лоархӀаме да. Губернаторий бокъонаш шерагӀа хургья, хӀаьта из Россе бахархой вахара хьал тоадеш хургда.
Кердача бокъонашца дувзаденнараш доашхаш, кхетаче я дукха ца говш дӀаяхьа езаш. ЛоархӀаме да, губернаторий керда бокъо юкъеяккхар мишта хургда, республикан бахархоша, депутаташа из хувцам мишта тӀаэцаргба.
