Республикашта юкъера бувзам лелабара йола керда оагӀув хьаелл цу каьхато, цунна чудоагӀараш дукха да: мах бара-экономически бувзам лелабаргара культуран говзал дӀа-юха эцарга, цхьана дешара проекташ лелаярга кхаччалца. Къаьстта терко тӀайохийт бизнес лелаяра йола таронаш хьакхоллаш; ГӏалгӀайчен, ГӀабартой-Балкхарой пхьоаллешта юкъе гӀулакхера бувзам лелабара.

Вахара оагӀонашка диллача лаьрхӀад, балха говзал дӀа-юха эцаш хилар унахцӀенон даькъ тӀа, керттера терко тӀайохийтаргья лорий новкъостала, иштта могашал яйнача наха дола хьалаш хьакхоллара. Барт бара чудоагӀаш да цхьана кагирхоша спортивни оагӀонаш лелаяр, шоайла доттагӀал а къамашта юкъе цхьоагӀо хилар а чӀоагӀдар.

Бувзам лелабара оагӀонга диллача, туристически хьал керттерчарех да: культуран а Ӏалама хозален оагӀоний а балхаш леладечар, шоайла барт баь, гӀулакхаш леладергда.

Экологеца дувзаденнар кхоачашдара даькъ тӀа, гонахьара Ӏалам лорадар, коммунальни чӀоагӀача нувхашца дувзаденнар, доазув лерттӀа дегӀадоладар да теркаме эцаргдар.

«ГӏалгӀайчен, ГӀаьбартой-Балкхарой къамаш вӀашкаозаш да, лоалахой хинна а ца Ӏеш, Ӏадаташ а кӀоаргга шоайла лоархӀаш хиларца хоттаденна. Аз лакха мах оттабу къаьстта Казбек Валерьевича шин къаман юкъера гӀулакхаш дегӀадоаладеш дӀахьоча балха. ДӀа-юха бувзам лелабеш хиларо, вахара-экономически хьал тоадергда, шинна республикан вахара дикал лакх а еш, аьлар исторически, культуран бувзамаш шин къаман юкъе леладеш хилар белгалдаьча Келаматанаькъан Махьмуд-Ӏаьлас.

Кавказа инвестицей 2025 шера кхетачено юха а чӀоагӀдир, Къилбаседа Кавказа Ӏаьдала, бизнеса, экспертий юкъарлон дешаш дувцара йола майда ше хилар. Карарча шера кхетаче дӀахьош дакъа лоацаш хилар СКФО ерригача моттигий, федеральни структурай викалаш, инвестораш, цо таро лу экономика дегӀайоалае, мехкашта юкъера бувзам лелабе.