ГӏалгӀай мехка инвестицеш юкъеяхара хьал тоалуш доагӀа
Вайцига дӀайолайир керда пхи проект, 7 млрд мах болаш
ГӏалгӀайчен инвестицей таро дикка тоалуш йоагӀа ала йиш йолаш я, 7 миллиард сома маьха йола керда пхи проект юкъеяккхар бахьан долаш. Цу йоккхача инвестицей оагӀоно чулоац тайп-тайпара хьурмата доакъош, вахара фусамаш хьалъяргара дӀадоладенна, лакхача технологей хьалаш кхолларга кхаччалца, республикан дегӀаахара даькъ тӀа дикка моттиг дӀа а лоацаш, аьлар ГӏалгӀай Республикан Кулгалхочун, Паччахьалкхен зарбан болх лелабераша.
ГӏалгӀайчен столице Магасе дӀайолаергья вахара фусамашта лаьрхӀа, бӀарчча квартал. Цу проекта чудоагӀаш да 30-ча микрорайоне дукхача квартирай цӀа хьалдар, цо таро лургья бахархой вахара хьалаш тоаде, цул совгӀа шахьара куц-сибат дикача оагӀорахьа хувцалургда. Цунца цхьана хьалъе лаьрхӀад гойтама комплекс, иштта дукха оагӀонаш чуйоагӀаш йола мах бара-салаӀара центр.
Уж гӏишлош хургья гӀулакхерча, иштта юкъарлон вахарерча даькъ тӀа накъайоалаш, цунца цхьана таро хургья йоккха бизнес дегӀайоалае, зӀамига предпринимательство лелае, салоӀама, мукъа ха дӀаяхьара таронаш хьа а кхоллаш.
ЛоархӀаме терко лоаттаю мехка промышленни таро дегӀайоалаяра. Илдарха -Гӏала инвестораша еш латт лоархӀамеча шин балха кӀийле. Хьалхаръяр - тӏахьоарчадеш дола полиэтилен арахецаш, из эшаш да дӏахьоарчадеш долча гӀирсашта. ШоллагӀдар цул кӀезигагӀа доацаш лоархӀаме дола гӏулакх- сердалон диодни оала, бусйоагоргаш арахецар. Из дагадехад республикан технологически оагӀув чӀоагӀъяра, кхычахьара уж гӀирсаш ийде дезаргдоацаш.
«Тахан вайна гуш да инвестице керда оагӀув дегӀайоагӀаш хилар. Тха декхар да инвесторашта къаьгга дола сийрда хьалаш хьакхоллар, гуш да, «Цхьа кор» яхача гӏулакхо ший болх дика дӀахьош хилар. Белгалду, могаяьча проекта болх массайолча оагӀорахьара вӀашагӀболлаш хилар. Оаха дика хеташ хьаллаьцар вахара гӀишлош хьалъяр, цунца хьалхадаьккхар бахархой вахара хьалаш тоадара йола моттигаш кхоллар, цо ший аргӀагӏа вай шахьар хозагӀа, вахара хьалашка диллача, дикагӀа ергья», - аьлар мехка кулгалхочо Келаматанаькъан Махьмуд-Ӏаьлас.
Керда балхаш юкъедаларо таро лургья балха моттигаш хьакхолла, иштта ГӏалгӀайчен бийдалца йоаца продукци кхыча мехкашка дӀайохьийташ йола таронаш совъяха. Хӏара дӀайолаяьча проекта лаьрххӀа йола терко лоаттаю, из хьалоацаргья массайолча оагӀорахьара.
Керда проект юкъеяларца, 200 совгӀа сага болх бе таро хургья. Керттера терко тӏайохийтаргья гӀишлон дикала, гонахьара доазонаш тоадара, инженерни балхаш дика чакхдахара. Еррига гӏишлош дика хьалаш долаш, таханарча замо дӏадеххача тайпара хила еза, хьалхарча аргӀагӏа республикан бахархой хьалаш тоадара.
