Тӏехьарча шерашка гӏалгӏай футболистий цӏераш хозаш я доазол арахьа. Мархенаькъан Адам ваьв 2002 шера Наьсаре. Зӏамига волаш из дӏавахар Финлянде ваха. Из дакъа лоацаш хилар ондаргий тоабангара Финлянде керттерча цхьанкхетарга кхаччалца. 2025 шера цох хилар Германера хьалхара гӏалгӏай ловзархо, цо контракт чӏоагӏйир Шоллагӏча Бундеслига «Нюрнбергаца». Адам каст-каста аравоал керттерча футболистий мугӏаре волаш, цо гулъяьча тоабан чувоагӏаш, бургац чуяьккхай. Цун трансферта мах лакхбеннаб 3 миллион еврога кхаччалца.

Цхьаькха сийрда масал да Оздой Мухьмад. Говзал йола полузащитник дика ловзаш ва «Паок» юкъе волаш Греце, цига цо даьккхар Суперлиге борза совгӏат. Сезонах из белгалваьлар бургацаш чуяхарца, бургац нийса дӏалуш хиларца, хӏаьта из тоаба кийчлуш я Европан  Лига дӏаяхьа.

Цхьаькха масал да – Бӏарахой Ахьмад. Из хьалхара гӏалгӏай  футболист хилар, 2012/13 сезоне Европан Лига боарам тӏа лоархӏаш йолча Молдоверча «Зимбруца» ловзаш, цо Европанна бургац  чуяьккхар. Европан футболага кхоачаву никъ аттачарех бац. Бакъда Гӏалгӏайчен кагийча наха хьагойт – Кавказа йоккха йоацача моттига  дагалаттар а кхоачашхила йиш йолга.

Юххера а, ала безам ба, цу тайпара истори хиларо кагирхой безам сов боаккх. Адам, Мухьмад, Ахьмад, иштта кхыбараш  вай республико доаккхал де деза оагӏув я. Футбола берригаш а вӏашагӏтох, хӏаьта вай  кагийча наха тешшаме дӏалоац шоай моттиг  Европан даькъ тӏа.

Хамхой Дени