Исбахьален, публицистически е довзара литература дешаш ӏомалу шийна хетар нийса дӏаала, гонахьара дуне дикагӏа довза. Саг дийша а дукхача хӏамах кхеташ а хилар хоалуш да цо деча къамаьлага гӏолла, къаьстта йоазонца.

Книжка дешаш хилар лоархӏаме долга белгалдеш, из хьал дикагӏа доаржадара, саькура бетта 14-ча дийнахьа дунен тӏа дездеш да Халкъашта юкъера книжка совгӏата далара ди. Из ди хиларо вӏашагӏтох книжкаш мел дезараш, шоайла книжкашца совгӏаташ дара, иштта новкъостал ду из эца таро йоацаш висача сага.

Тахан латтача технологей замах, бӏаьшерашка денз мах бараш лорадеш хьабоагӏача наха хьалхашка нийслу кагирхошта юкъе нийса леладара, мах бараш нийса доаржадара даькъ тӏара кхоачамбоацараш.

Библиотекай болхлой говзал лакхъяра Эрсий центро, «Вӏашагӏдоллар» яхача Продюсерски центро Донецк Халкъа Республикан юкъарча дешара моттигашка болх беча библиотекарашта лаьрхӏа Россе столице семинар дӏайихьар. Цхьа бӏаь саг вар шоай балха говзал совъяккха таро йолаш, иштта библиотекай балхага гӏолла, паччахьалкхен политика кхоачашъяра, ӏадатий мах бараш лорадара культурно-кхетам балара хьал дувца йиш йолаш.

Цига къамаьл дир Гӏалгӏай Республикан къонача ӏилманхочо, лаьрххӏа долча дешара тренера Охценаькъан Ислама. Цун дешара дакъа чудоагӏаш бар говчанча хьехам, из хетабаь бар практически дешара, саг дегӏавара оагӏонна.

Кхелахочо ше яхачох, цо царна дийцар дешархошца дикагӏа бувзам мишта лелабе беза, цо иштта дийцар психологий-хьехархой тӏехьара тӏа хила дезача хьалах.