Илдарха-ГӀалий тӀа болх дӀахьоргба 18 километрага кхоачача доазон тӀа, хӀаьта Берда-Юрта 1,4 километр долча доазон тӀа хувцамаш дергда. Шинна моттиге 45 эзар совгӀа болча бахархой хьал аттача доаккхаш хургба из боккха, лоархӀаме болх.

«Хий чудуллаш болх дӀабахьаро дикка аттача доаккхаргда цу оагӀонцара бахархой хьал», - белгалдир вай мехкадас Келаматанаькъан Махьмуд-Ӏаьлас, цу проектах дувцаш.

Из проект кхоачашъергйола болхлой къоастабеш, хоржама болх ба карарча хана мехка дӀахьош. Мехка кулгалхой, из болх боаггӀача боараме дӀачакхбаккхара тӀехьа, лакха тӀахьожам бе лаьрхӀа ба. Йиллача хана, тӀехдика кхоачашдаь хила деза деррига.

«Вай мехкара хьал тоадара тӀехьа баьккха цхьаькха лоархӀаме гӀа ба из,- йоах моттигерча Паччахьалкхен керттерча хоамашца. - Проект дӀаяхьара балхашца дувзаденнараш гуш хургда».

Илдарха-ГӀалий тӀара, Берда-Юртара хин хьал меттадоаладар тахан лоархӀамеча декхарех да. Доккхий кхоачамбоацараш юстардахарал совгӀа, цу оагӀонцара болх кхыча мехкашка дӀахо дӀабахьара тӀехьа а чӀоаггӀа лард я из.