Зе ца деш салаIар
«Россе хий» яхача экологически акцен юкъебахар, «Сердало» газета болхлой
Коллектив газеты «Сердало» присоединился к Всероссийской экологической акции по уборке берегов рек и водоемов под названием «Вода России». Уборке прибрежной территории реки Асса в районе башенного комплекса Таргим сотрудники редакции старейшей газеты Северного Кавказа, готовящейся отметить в будущем году столетний юбилей, посвятили последний из трех выходных, отведенных в республике на празднование Ид аль-Адха.
ТIехьарча шерашка, лоам ядача моттигашка, геттара дукха туристаш хул салоIаш. Хьатехкача, хьаьшел дукхагIа, цигахьа шоашта салоIам бе, цIенача фега ха яккха урагIаух бахархой а.
Эса гонахьа ягIача гаьнашта кIала лоаман хозалца дог ловзаш, хьийдда додача Эса гIарага ладувгIаш вагIаш, ахкан Iимерца латта денош иштта дIайха хетац. Бакъда, геттара чIоагIа дега, сакхетама хало еш да цхьа гIулакх. Цу хозача моттигашка салаIа ухарашта юкъе дукха ба, шоай къаман культура, наха юкъера хоза гIулакх лорацадераш.
Iаламца цхьаккха лерхIам боацараша, вIалла шек боацаш, кагью гаьна ткъовронаш, дог Iаббалца сакъийрда дIаболхаш, шоашта тIехьа нувхий гувнаш дут. Уйла е эттача, тамашийна хIама да из! СалаIа ше дIаводаш, тIехьагIа цига Iоховша безача наха, ший нувхаш йита дIа мишта вода бусалба саг?!
Даьлах эхь долаш хIама да из! Нахацара хоза гIулакх лорадечо, эггара хьалха ший юхь лоархIаш волча саго, цIаккха а дутаргдац из тайпара хIама!
Хин йистошка лостам бе этта йоккха юкъ ялалехьа, бархI доккха гали нувхаш юстараяьхар оаха. Ма хала а дар-кх дега, иззал нувхаш цига хилар! Хаттар отт-кх! — Хьан лораергья уж беркате моттигаш, вай воаша мара?! Укх мехка дахаш долча вайначул чIоагIагIа хьанна хургья уж боча?! Цхьаболча наха хоза хIама бIаргагушше дIаэц...
Аренаш цIенъеш доахкаш оаха зийра, дехьа, сехьа салоIаш багIарашта юкъера цхьаццабараш хьагIайтта, нувхаш гулъе отташ. Хозача гIулакхо сага сий доаккх! Из доаржадеш даха, низ лолба вайна Сийдолча Дала!
