Тароний доазув
Кагирхой гӀулакхех йолча Комитето гӏо ду студенташта лаьрхӀар кхоачашде
Саг массахана хул, шийна хетар хьаллоацаш вола новкъост лохаш. Цо дешаца а гӀулакхашца хьаллацар чӀоагӀа эшаш да. Массаза лоархӀаме да, нах шоаш лаьрхӏачунна тӀехьа хилар; шоай гаргарча, уллуврча наха, новкъосташа уж хьаллоацаш хилар.
Цу хьакъехьа, ГӏалгӀай Республикан кагирхой гӀулакхех йолча Комитета наӀараш даим йийлла я, кагирхой моллагӀа волча викала. Укхаза хьаелл балха, сица дегӀавара керда таронаш. Хьалха латта хьинар дараш, шоайла дагабувлаш, болх беш ба, дукхагӀа довза, ха гӀерташ.
ЛоӀам чӏоагӏа болча сага дукха таронаш лу. Оалаш ма хиллара, сага де могаргдоацаш хӀама дац. Тахан вай кагирхой кулгаш вӀашта ца доахкаш къахьега раьза ба, цхьа ха яьлча шоаш баьккха толам гургболаш. Цу гӀулакха эшаш йола таронаш йолаш я.
Шолжа-Шахьаре дӀадахача кӀира кхетаче йолаш, ГӏалгӀай Республикан кагирхой гӀулакхех йолча Комитета кулгалхочоа Малсаганаькъан Адама хайра, фуд Гаьгенаькъан Г.А. цӀерагӀча Къаман лорий колледжа эшар, сенца самукъадоалаш ба уж, фу де лерхӀаш ба дӀахо.
Мел дувце а, сузашка багӀача дешархой хӀанз эггара дикагӀа йола ха я. Цар дӀадоладу шоайла бовзар, дешарца цхьана болх дӀабахьар, хозагӀа йола вахара оагӀув хьакхоллар.
Къамаьл деш, хургболча лораша хоадам болаш белгалдеш дийцар, из дакъа дегӀадоаладарах. ДукхагӀча даькъе белгалдир спортивни моттигаш тайп-тайпарча юрташка хьакхоллар, 15 воркаут-майдашта тара йола,
Шоай таронаш маьхалъяха хьожаргба МагӀалбикерча «Авангард» яхача тӀема-патриотически центра даькъ тӀа, цо хьаелларгья кастлуш ший наӀараш.
Ха дӀа мел йода, кагирхой уйлаш дукхагӀа чулоацам болаш я. Хӏанз арахьарча кхерама хьалаш дайзачул тӀехьагӀа, мехкарий безам болаш ба духьалъоттара дола хьалаш Ӏомаде. Кагирхой гӀулакха йолча Комитета кулгалхочо из дика хеташ тӀаийцар.
Вай республике хьаллоацаш да, ара дисача хьайбашта новкъостал дар. Дикача уйлаша студенташ кхоачабир царна йола моттиг хьалъяра долча гӏулакхашка. Хӏаьта кагирхой Комитет кийча я, царна новкъостал де.
«Гаьгенаькъан Г.А. цӀерагӀча лорий колледже вахаро дика уйлаш дег чу йоссийтаяр. Къаьстта дика хийтар студенташта дагадеха кердадараш- духьалъоттара йола секцеш хьаеллар, доал доацаш лелача хьайбашта тхов-кӀийле яр.
Хоалуш да, кагирхой дешаца хинна а ца Ӏеш, шоашта дагадехар кхоачашде лаьрхӀа болга, гӀулакхашца из гойташ.
Баркал оал массанена, дика къамаьл хиларах! Шун хьинар, оаш лаьрхӀар - вай болх дӀабахьара дикагӀа накъадаргдар да. Дагадехараш кхоачашдеш хургда вай цхьана!», - аьлар Малсаганаькъан Адама.
