Къаьстта дика дӏабода из болх, Магӏалбикерча ишколашка кердадараш юкъелоацаш, берий вахара наькъ тӏа пайдане хургда аьнна мел хетар хьаллоацаш. Дукха тайп-тайпара оагӏонаш да ишколо берашта духьалкхухьараш, цар хьахаржа аьттув бараш.

Дика масал хинна латт цу оагӏонца Магӏалбикерча № 2 йолча ишколе дӏахьош бола болх. Веб-дизайна кружок я цига хьайийлла. Кулга лдер ва лакха говзал йола хьехархо Хазанаькъан Самаил. Тахан къаьстта из кружок иштта эшаш, берашта юкъе лерхӏам болаш хилар сенца дувзаденна да тахка эттача, таханарча вахаре веб-дизайнаца дувзаденнараш эшаш, лоархӏаш хилара тӏадодаш да деррига.

Хазанаькъан Самаила тела урокаш боккха чулоацам болаш я. Юзабилитеца дувзаденнараш шаьрду цун дешархоша. Сайта интерфейс атта кхетаеш хургдолчча тайпара хьаоттае, цхьацца наха паргӏата, атта хета оагӏонаш хьакхоллаш къахьег цар. Цу гӏулакхаца дувзаденнараш дикка шаьрдеш хул дешархой, чӏоагӏа дог ураэтте.

Хургволча ИТ-говзанча балхаца эшараш ӏомаде аьттув ба кагирхой воккхача хьехархочунца. Тайп-тайпара моттигаш юкъелоацаш, хьаоттабе безаш болх ба из, цунга хьежжа, къонача тӏехьенна массадар довза чам хул. Таьрахьашцарча экономикан оагӏонца боккха пайда боаржабеш я Магӏалбикерча ишколера кружок.

Тахан вай теркалдеш да «Хӏара бера аьттув» яхача проекто дешара оагӏонца мел доккха дикаш доаржаду.Белгалде деза, иштта йола кружокаш лакха говзал, начӏал дола кагирхой ураоттабара тӏехьа тахан геттара лоархӏаме йолга, вай къаман вахаре.