Ӏаьдало енна бокъонаш лораеш, хьега деза къа
Балха гӀулакхах дийцар цу лостамагӀа тӀахьожам беча комиссе
Болх Ӏаьдала бокъонаш лора ца еш лелабара духьала къовсам лоаттабу Къилбаседа Кавказе. Из гӀулакх тоадарах дийцар, РФ президента СКФО гӀолла вола массазарча викала Чайка Юре кулгал деш, дӀайихьача кхетаче. Комиссе баьча балха юкъе дакъа лоацаш бар моттигашкара кулгалхой, цу оагӀонцарча балхах бола къахьегамхой.
Къахьегар Ӏаьдало цу гӀулакхаца чӀоагӀъяь хьаоттаяь бокъонаш лораеш хургдолаш, юкъедоаладаьрех дийцар цига. Чайка Юре белгалдир, цу гӀулакха лоаттабу тӀахьожам чӀоагӀбе безилга.
Вай республике хьинаре дӀахьош ба из болх. Къахьегама гӀулакхех йолча Министерствон болхлой, прокуратура, йоал дӀаийеча оагӀон къахьегамхой юкъе болаш, хан-ханнахьа рейдаш ю мехка. 2023-ча шера 194 болхлочо къахьегама бувзам чӀоагӀбаьб, хӀаьта 2024-ча шера 38 сага болх бе моттигаш нийсъелар.
Укх тӀехьарча шин шера, къахьегама гӀулакх чӀоагӀдеш дола цхьаккха тайпара каьхат доацаш, болх беш вола 600 саг гучаваьлар.
2024-ча шера хьабе болх цахилар цхьа кӀеззига тоаде аьттув баьлар. 2023-ча шера 9,6% хилар цох, 2024-ча шера 8,7% кхоачаш Ӏолохделар. Из хьал ма хулла тоадара тӀехьа боккха болх ба вай мехка, карарча хана дӀахьош.
