«Оаха тхоашта хьалхашка оттадаьча декхарех дар мобилизовать даьча наьха дезалашкара бераш аргIа хьалха йоаккхаш дешара кхуврчашка, берий бешамашка дIаоттабар. Берий бешамашка цу берех ахча дIа ца эцар а лоархIаме да. Тахан из болх дIахьош да тхо паччахьалкхен моттигашка. Иштта, юкъе доаладаьд 5-11-ча классашка дешаш долча берашта бIайха буъа кхача лоаттабергболаш. Паччахьалкхен дешара кхуврчашка деша отташ хьалхара экзаменаш дика дIалуш чакхбаьннарий гIулакха юкъе а цхьацца хувцам доаладаьд. Юкъерча дешара моттигашка дешаш болча мобилизовать даьча наьха цIагIарча студенташта дIачу тела дезача ахча массехк даькъах дийкъа оттадича а дикка новкъостал хул аьнна хет. Из гIулакх чакхдаккхара тIехьа къахьегаш ба тахан. Цул совгIа, кхыйолча субъекташка республикерча бюджетах деша аьттув хургболаш а болх дIахьош латт», — белгалдир дешарани Iилмани министерства кулгалдеча Боканаькъан Эсета.

Таханарча дийнахьа ерригача министерствашта, болх-моттигашта хьалхашка соцам баь дIаоттадаьд вай Мехкдас Келматнаькъан Махьмуд-Iаьлас мобилизовать даьча наьха цIагIара барашта эшаш дола социальни оагIорахьара, дарбанчешкара гIо халийта аьнна. Мобилизованни болча наьха дезалашта из новкъостал тахан эггара чIоагIагIа эшаш да. Царна дезача хIаманга хьожаш хила еза тахан паччахьалкхе.