2024-ча шерара хьал дувцаш, Новак Александра теркалдир СКФО инвестиционни хьал 7,4%-га кхоачаш айденна хилар. 2023-ча шера лаьтта 9,8% хьаийцача, 20%-га гӀорташ айденнад цу оагӀон гӀулакх. Болх тоалуш латтилга хьагойт цу таьрахьаша.

Вице-премьера хьохадир, Къилбаседа Кавказе из оагӀув ма хулла лакхбар къаьстта тахан геттара лоархӀаме долга. Ма хетта болх чакхбаккхара тӀехьа кхеллача кердача проектага гӀолла 60%-га кхоачаш тоадала дезаш да инвестицей хьал 2030-ча шера. Инвесторий оагӀув хьаллоацаш, шоай болх дӀабахьа царна аьттув лургбараш доаржаде аьнна тӀадиллад СКФО доазонашта.

Деррига боаггӀача боараме дӀагӀоргдолаш, бизнеса хьал тоалургдолаш, йоккха, зӀамига бизнес лелаерашца кхетаченаш дӀакхухьаш, Ӏаьдало цар гӀулакх хьаллоацаш деш дола новкъостал дӀадовзийташ болх чакхбаккхара тӀахьийхар Новак Александра. Къаьста йоккха терко тӀайохийташ дийцар токах, газах, ЖКХ оагӀонцарча гӀулакхех декхар хьагулдара гӀулакх ма хулла тоадарах. Из болх дикагӀа дӀагӀоргболаш, тахан юкъедаьха кердадараш, 98%-га кхоачаш из ахча хьагулде аьттув боалача СКФО доазонаша из гӀулакх мишта дӀахьу теркалдеш хила, аьнна, хьоахадир кхетаче.