Дистанционни оалача кепара из дӀайолаеш дакъа лоацаш хилар хьаьший, царна юкъе вар Россе вице-премьер Новак Александр, «Газпроммежрегионгаза» генеральни директор Густов Сергей, СКФО массазара викал Чайка Юрий, иштта ГӏалгӀайчен кулгалхо Келаматанаькъан Махьмуд-Ӏаьла.

«Шолже» оалача ахархой даькъ тӀа 6 км газ хьайийллар ГӏалгӀай Республикан Паччахьалкхен Председатела Сластенин Владимира, «Газпром Межрегионгаз - Наьсаре» оалача моттига хьакима Лаьнанаькъан Элберда.

Хӏаране белгалдир, шоллагӀча аргӀан ахархой боахама Ӏалама газ дӀахоттар  - цо «Шолже» яхача ахархой боахама кхача арахецара низ дукхагӀа хилийтарал совгӀа, республикан экономика а дикагӀча хьалага кхоачаергья. Хӏанз цо российски базарашка моша баьцадаараш дукхагӀа лоаттадергда, из Республикан бюджете юха чудоагӀаргда.

Карарча хана хьалхарча аргӀо шера арахец 7-8 эзар тонн баьцадаараш, хӀаьта шоллагӀча аргӀо, газ дӀахеттачул тӀехьагӀа, лургья 22 эзар тонн хӀара шера. Цо таро Ӏалашъю мах бара хьал даьржагӀа хилийта.

Цул совгӀа, проект хьаелларах балха моттигаш а хургья. Шаккхе а аргӀа болх беш хилийтара эшаш ва 650-700 болхло, царех 500 шоллагӀча аргӀан хургва. Тоаба вӀашагӀйоллаш агрономаш, электрикаш, хаьхой, кхыбола къахьегамхой эш.

Из болх кхоачашбара лоархӀам белгалбир Россе Паччахьалкхен вице-премьера Новак Александра:

«Из дика масал да, мохк дегӀабоалабара, керда балха моттигаш хьакхоллара. Из да инвестора, мехко, «Газпромо» юкъедахьар. Из да республика а, иштта мохк а дегӀабара де дезар».

ГӏалгӀайчен кулгалхочо Келаматанаькъан Махьмуд-Ӏаьлас ший аргӀагӀа баркал аьлар, из кхоачашдеш, цу юкъе дакъа лаьцарашта. Цул совгӀа, цо яхачох, цу тайпарча проекташа республика дегӀайоалаяра дукхагӀа тешам чуболийт.

Белгалдаккха лов, шоллагӀа аргӀа дӀахоттар  - «Газпром Межрегионгаз- Наьсаре» ООО дукха болх дӀабахьарах бола толам хилар, цо таро хилийтар газ нийса дӀахотта, гӀирс дӀаоттабе. Деррига балхаш дӀадихьар ГӀалгӀайчен Кулгалхочун тӀахьожамца.