Хӏара шера Гӏалгӏай Республикан УФПС цхьацца кердадараш юкъедоахаш, наьха вахар аттача доаккхаш латт. Нах ӏемаб почтага гӏолла каьхаташ дӏакхахьийта, иштта бувзамах, кхычарех йоал дӏаяла, вахар цхьан моттиге латташ дац. Дукха ха йоацаш, Россе йоккхача мах беча Wildberries оалача майданца бувзам лелабара программа кхоачашъеш, Россе а Гӏалгӏайчен а почташка дехараш дӏаийду оагӏув хьайийллай.

Из лаьрхӏа да интернет-тикашка гӏолла деш дола заказаш сов дукха хиларца. Хӏанзчул тӏехьагӏа вай мехка бахача наьха таро хургья сиха а атта а шоай дехараш хьаийде, цу наьха товар наӏарга хьадахьаргда. Белгалде деза, керда таронаш хьакхолларах дукха пайда боал наха. Цар шоай ха йоае а ца езаш, шоай ханнахьа хьаэцаргда дика товараш почтага гӏолла.

Уж хувцамаш хилар, хьалхагӏа Центральни куран тӏагӏолла цхьана дӏайолаяь проект бахьан долаш, цига кердадараш юкъедахар дика тӏаэцарах.

Хоатташ хиларо хьакхолл эшаш дар, цу тайпара Гӏалгӏайчен почтан болх дегӏабара юкъедоаккхаш да из. «Керда хьакхелла моттигаш, эшаш йолча таронашца ӏалашо яь я; сиха, лакха дикал йолаш нахацара болх дӏабахьа йиш я цига. Со тешаш ва, вайцигарча хӏама эцача наха цу гӏулакха боаггӏача тайпара мах оттабергба, цох пайда эцаш а хургба», - аьлар Гӏалгӏай Республикан УФПС кулгалхочо Гаьгенаькъан Ислама.