«Мехкадас дег тIара доккха баркал аьлар, цу беркатеча гIулакха юкъе дакъа лаца мел эттарашта. Тахан, бахархошта эггара чIоагIагIа эшача хана, даарех диза тIормигаш дIадекъар, бусалба нахаца хила беза дика оагIув ба. Вай дерригаш а этта, хьаллаца дезаш хоза гIулакх да ер. Безача мархий бетта даь дикаш къаьстта боккха маьл болаш хургда», — йоах тхога бенача хоамо. Даараш чудола тIормигаш декъача наха юкъе ба хала таро яраш, могаш боацараш, цхьаь баха боккхий нах, бойла диса бераш, тIема операцен юкъе къонгаш дIабаьнна дезалаш. Белгалде деза, тахан эггара чIоагIагIа цу моттиге къахьегаш, гIо деш латтараш кагирхой ба, аьнна.

Новкъостал хиларал совгIа, наха юкъера барт, бувзам чIоагIбу иштта дIахьоча, Даьла раьза волча дикаша. Бусалба адамаш массахана шоайла отташ, эшачунга хьожаш хила деза. Дика гIулакхаш вайна юкъе даржаро тоадергда вай вахара хьал.