Дӏадахача шера беррига доакъашхой Мухлой Микаил, Хьоашаланаькъан Абукар, Цӏечой Джамалейла, иштта Хазанаькъан ӏаьла цу тайпарча яхьашка котбаьлар.

Гаргарча массехк дийнахьа из говзал эшаргья Зангенаькъан Исроапила, Малсаганаькъан Салима, Сакхаланаькъан Темарлана. Цар шоай къахьегамца бокъо яьккхар Нальчике дӀахьош йолча цу яхьашка ГӏалгӀайче дакъа лоацаш хилийта. Бӏухоша дукха ха яр, цу даькъ тӀа кийчо еш, къахьега. Царна ловш дар шоашта а иштта берригача мехка а дӀагойта, ишттал чӀоагӀача халонех чакхбаьнначул тӀехьагӀа а, лаьрхӀача лакхаленашка кхача шоай низ хилар.

ГӀабартой-Балкхарой Республикан гулъяьча тоабаша кийчо еча спортивни Центра тховна кӏалха, СВО доакъашхоша къовсам дӀахьоргба хьалхале яккхара тӏехьа истола тӀарча теннисах, пауэрлифтингах, Ӏохайна вагӀаш ловзача волейболах, хьежорга герз тохарах, иштта тӏаьск кхоссар санна йолча яхьах. Программанна иштта чудоагӀаш да спортивни урсаш деттар (могашал эшаеннача, дегӀ дика лелаш доацача наха), бӏаргашта хӀама гуш боацарий спорт (пауэрлифтинг, истола тӀара теннис).

Яхь дӀахьош я Российски Федераце «Даьхен лорабой» ганзо, РФ спорта Министерствос, Россе параолимпийски комитето, иштта ГӀаьбартой-Балкхарой Республикан Паччахьалкхено хьаллоацаш.

Хьагучох, чаккхе гаргагӀорташ гуш хургда мел чӀоагӀа новкъостал дир цу Кубко бӀухошта наха юкъебала, шоаш заӏапхой болаш бисачул тӀехьагӀа.

Шеко йоацаш, денал дола, унзара уйлаш тӀехьаюташ, психологически даькъ тӀа шоай шеко хилар дӀадаьккха, оамал чӀоагӀъенна нах ба уж, из хьагойтад цар амал деча хана, шоай тӀема декхар кхоачашдеш.

Цхьайолча хана могашал йолаш, эшаш мел дола хьалаш долаш, вай доаду вахар лоадам боацача хӀаман тӀехьа. Кагирхоша масал эца деза тӀема мугӀарашка лаьттача нахагара, шоашта хьалхашка латта декхараш дизза кхоачашдеш, шоай кердача таронех тешаш хьабоагӀача.