Даьхенна хетабаь къахьегам
«Турпалхочун никъ» яхача программа доакъашхо болх бе ӏамаш ва
«Тупалхочун никъ» яха моттигера программа керда таронаш хьаеллаш я, лаьрххӀача операце дакъа лоацаш болча ГӏалгӀайчен бӀухошта. Из лаьрхӀа я профессиональни кердадараш Ӏомадара хьал дегӀадоаладара, уж Ӏомабара болх боаржабара. Из я хургдолчун, цун Даьхенцара лерхӀам хилар бахьан долаш, саг везаш йола сийрда кӀийле, цудухьа уж нах вайна юкъе накъабоалаш хургболаш дӀахьош а я.
Карарча шера «Мужече» оалача спортивни кийчо еча центре, дӀайолайир ворхӀ сага лаьрхӀа йола программа.
Цига къамаьл деш, ГӏалгӀайчен кулгалхочо Келаматанаькъан Махьмуд-Ӏаьлас белгалдир, «Турпалхочун никъ» - из бӀухошта йола таро хилар кердадараш довза, балха говзал Ӏомае, бехктокхаме декхараш тӀаэца а уж кхоачашде а Ӏомабеш. Цо яхачох, лаьрххӀа йола моттиг дӀалоацаш да из вай мехка.
«Оаха кхетаду, из халонех чакхъяьннача республикан боккха тешам луш хилар», - аьлар Мехкадас.
Программа доакъашхоех цаӀ ва тӀема бӀухо Хазанаькъан ИбрахӀим. Хӏанз 26 шу даьнна зӀамсаг тӀема гӀулакхашкара машарерча декхарашка воалаш ва. Форда флоте амал даро из бехктокхаме хила Ӏомаваьв, иштта Даьхенна хьалхашка латта декхараш кхоачашдара кийча а ва. Бакъда хӀанз хьалхашка латта декхар кхыдар да - бахархошца ший вахара говзал екъар.
ИбрахӀим дезала дика да ва, бераш а иштта вахара дикача хьалашка доахаш, нийса кхедеш латт.
Таханарча дийнахьа из ва кулгал ду болх Ӏомабеш, иштта из хьож, лоархӀаме йола проекташ оттаеш, Шолжерча бахархошцара бувзам чӀоагӀбе.
Цун Ӏомавалара даькъ тӀара болх дӀаболабелар Шолжа-Шахьара мэрера. Хьехамчаш уллув хиларо декхараш аттача доах. Цун моллагӀча хана накъабахка кийча ба, цаховр хьалхадоаккхаш. Лоаццача хана цо гойтар ший кӀоарга хьаькъал, иштта чоалхане декхараш кхоачашде могаргдолаш хилар.
«Къаьстта цу тайпара хиларо, вай бӀухошта таро лу керда вахара оагӀув хьалаца, дӀахо шоашкара дакъа юкъедахьаш, хьамсара мохк дегӀабоалабе», - аьлар администраце.
