Паччахьалкхен вахара программаш
ГӀалгӀайче дакъа лоацаш я, 2025 шера къаман йиъ проект кхоачашъеча
2025-ча шера, РФ Паччахьалкхено дӀайолаяьй «Вахара хьалаш» яха къаман проект, цу юкъейоагӀаш я 12 паччахьалкхен программа, вахара, шахьара хьалаш чу а лоацаш. Цунца я юрташ дегӀайоалаяр, коммунальни хьалаш, шахьара эшараш хьакхоллар, гӀишлош хьалъяр.
ГӀалгӀай Республикан гӀишлошъяра Министерствон зарбан болх лелабераша «Сердало» газетага хоам бир, цу 12 программах йиъ кхоачашъяра долча йоазонна уж юкъейолхаш хиларах. Уж я «Юрташкара хьал тоадар», «Фусамаш», «Коммунальни хьалаш тоадар», «Шахьара дика хьалаш хьакхоллар».
«Таханарча денга кхоачаш уж кхоачашъеш, 23 юкъара моттиг тоаергья, 9 доал дара даькъ тӀа я уж, иштта тохкаргья кхыйола юрташ дегӀайоалаяра йола программаш а.
«Фусамаш» яхача федеральни проекта паспорт хӀанз чӀоагӀдеш да. Цунна чуйоагӀаш тишъеннача фусамашкара нах арабахарах йола программа дӀахохьоргья, иштта доазонаш тоадара йола программа а.
Белгалдаккха деза, тишденна лоархӀаш дола 26 цӀа 2017-ча шера наджгоанцхой бетта 1-ча дийнахьа денз белгалдаь дар, из программа 2025-2030 шерашка кхоачашъяь яккха лерхӀаш я, хӀаьта 260 млн совгӀа сом 2025-2027 шера дӀадохийтаргда бахархошта дика вахара хьалаш хьакхоллара», - аьлар республикан гӀишлошъяра боахаме.
