Ший таронаш маьхалъяхар
Гӏалгӏай мехка культуран гӏулакхаш леладаро чӏоагӏъю юкъарлон цхьоагӏо
Ганза Гӏалгӏайчен филиало ма хулла дукхагӏа юкъебоах лаьрххӏача тӏема операце ветеранаш, иштта цар дезал, культуран вахара. Из лоархӏаме да вахарца ювзаенна политика дӏаяхьара, уж нах юкъарлонца дӏаувш хилар да тахан эшаш дар.
Культуран гӏулакхаш дӏахьоча дакъа лоацаш хиларо, ветеранаш машаре вахар дӏадахьарца хьакхаштабоах, из дикача оагӏорахьа ӏаткъаш да исторически дагалоаттам лорабара, кагирхошта патриотически кхетам балара, юкъарлон цхьоагӏо чӏоагӏъяра.
Царех керттера дакъа дӏалоацаш я культуран кхетаченаш дӏахьош йола балха оагӏув, цига ветеранаш каст-каста дакъа лоацаш хул. Уж да гойтамаш, концерташ, театра балхаш, литературан сайренаш. Цига бӏухоша дувц шоай истореш, кхоллама говзал йовзийт гулбеннарашта. Цу тайпара кхетаченаш дӏахьош хиларо таро лу бӏухошта шоаш дика хьабовзийта, иштта царна тӏем тӏа карагӏдаьннача гӏулакхашка ладувгӏа. 2025 шера уж санна йола кхетаченаш дӏайихьар 60 совгӏа. Царна уж езаш хилар а лоархӏаме да.
СВО ветеранаша мехка культуран вахаре дакъа лацар эшаш да уж маьршача вахара даькъ тӏа бахара. «Даьхен лорабой» ганзо дӏахо а дӏахьоргба из лоархӏаме болх.
