ДӀа-хьа мел хьежача, харбаз-паста латт йохкаш
Наькъа йисте харбазаш йохка гӀулакх соцаде деза
Тахан наькъа оагӀонашка хьо дӀа мел хьежача, йохкаш харбазаш латт. Цкъарчоа-м, гобаьккха хьаэца харбазаш, пасташ хиларах гӀадваха везар саг; бакъда машинаш лелача наькъашта юхе уж латтаро деррига толхаду. Машинашкарча доагоро аратохаш мел йола газаш цу кхачо чуюъ. Ахкан Ӏимецача хана, шийла харбаз яа чам хул хӀаране, бакъда, дегӀа могашала зе ца деш хилча, дика дар-кх…
Саудовски Арави ваьхача вай бусалба вошаc дийца цхьа хӀама дагадехар сона. Цо дийцачох, из цига дешаш волча хана, студенташ Ӏеш хиннача моттиге 30 совгӀа гӀорадаь устагӀан дулх декъаш хиннад сагӀийна. Цхьан дийнахьа, гӀорадаь дулх хьакхухьаш хинна машин ехай, 16 км мара мичаб бе беза никъ, даша кхувргдац дулха, аьнна, кхыйола машин хьаяйтай. ГӀорадаь дулх хӀаман юкъехьорчадаь, хьадахьаш йоагӀа машин полице болхлоша соцаяьй.
Санэпидстанци хьатӀайийха, деррига дулх дӀадаьккха, доагадаьд. ХӀаьта, лаьрххӀа шийлалорг чуйоаллаш йоацача машинаца из дӀадахьийтачарна, дикка гӀод техад.
Уйла чуйосс, харбазаш йохкаш наькъа йисте латтачарга-м сага хӀама алац, е харбазаш дӀаяхац, йохка бокъо йоацача моттиге латт шо, аьнна. Вай бахархоша уйла е еза, шоай унахцӀенон, кхача дегӀа зе деш хила йиш яц! Машиний бӀеха кӀур чубуаш яда харбазаш вай царгара ца эцаре, уж латтаргбацар. Цу хӀаман уйла еш хила веза вайх хӀаравар.
