ДӀаяхача хана, наха чӀоагӀа тамаш йора «Зингер» яхача хӀамаш тегача машинах, аьшкан нух тӀехьатекхача тракторах…Тахан деррига а чӀоагӀа хувцаденнад, вӀалла дага ца хиннараш даьржа а даржаш латта а зама я ер.

Юртбоахама вахаре, дарбанчешка, кхыдолча, вахара-экономикан оагӀон моттигашка къахьега дуккха аттагӀа, паргӀатагӀа я сага. Технологически кхоанен наӀарашка тахан «ӀT» яха йоазув тӀалатта улгаш доахк.

Таьрахьий гӀулакх доаржадарах йолча Академе, Сбера чуйоагӀача «Ишкол 21» яхача мах бала ца безача таьрахьий технологеех йолча ишколе, ӀV хоржаш ба дешархой. 200 эзар совгӀа бола доккхача гӀулакхашка кхача гӀерта кагирхой программироване мотт Ӏомабеш, тоабанца къахьега Ӏомалуш, дккха кхыдола гӀулакхаш карадерзадеш къахьегаш багӀа цига.

Кхоана, лакха начӀал дола говзанчаш хинна вай мехкарча тайп-тайпарча лоархӀамеча моттигашка болх беш, доккхий декхараш кхоачашдеш хургба уж. Инженерех, фермерех, финансистех, лаьттанцарча болхлоех латта керда тӀехье я из. Цу юкъеяхьа йиш я кхы а итташ тайп-тайпара балха говзалаш.

МоллагӀа долча хӀаман кӀоаргале йовзаш хилча, шийна хьалхашка латта декхараш боаггӀача боараме кхоачашде, ший балха тӀа дикка гаьнавала аьттув хул сага.

ХӀаьта, чӀоагӀа лоархӀаме да, из деррига хьай мехкара ара ца воалаш, гаьна дӀаваха ца везаш, карадерзаде йиш хилар. ӀT оагӀонца болх берашта довзаргда РФ, кхыча мехкашкара къахьегама наькъаш, дукха кердадараш.

ДӀахойодача хана программист ца хуле а, вӀалла довргдац цо Ӏомадаьр! Нийсача оагӀорахьа, сабаре уйла еш хилар, хала да аьнна хетача хӀаман юкъера хьааравала кхетам хилар – массахана моллагӀча моттиге накъадаргдолаш да.