Туризмах йола Комитет культуран Министерствох дӏатехачул тӏехьагӏа, предпринимателий, доал дара даькъ тӏара болх дикагӏа дӏахьош ба: дӏахьош я, цу моттиге дӏа а ухаш, хьабеча балха дикалга хьажара йола инспекци, хӏама доалахьа дерзаде ловш барашта новкъостал ду каьхаташ, деррига эшаш мел дола хӏама кийчдеш.

Керттердар - боахамаш къаьга а цаӏ йолча бокъонех дегӏадоаладар а. Из да, деш дола гӏулакхаш дикал лакха йолаш хиларал совгӏа, иштта вай республике хьабоагӏача хьаьший тешам чӏоагӏбар.

«Инвестицеш туризма юкъеяхар- из да республикан хургдар хьаллацар. Наьсаре хьалъеча кердача хьаьший тӏаэцара комплексо балха моттигаш лургья, цо новкъостал дергда йоккхий кхетаченаш дӏакхахьа. Оаха болх бу, Гӏалгӏайче хьабаьхкача хьаьшашта, бахархошта дика, ӏалама хозала, культуран моттиг из хургйолаш. Туризм хила еза экономикан керттера цхьа оагӏув, - аьлар Гӏалгӏайчен кулгалхочо Келаматанаькъан Махьмуд-Ӏаьлас.

Гӏалгӏайчен дика туристически таронаш я: лоаман моттигаш, исторен сийленгаш, культура, ӏадаташ дукхагӏа нах тӏаозаш да. Туризм дӏаяхьарга хьежжа, хьакхолл эшаш дола хьалаш.

Наьсаре «4 седкъа» керда хьаьшацӏен комплекс хьалъергья, цу чу боккха гойтам а хургба. Из проект хьалъяра юкъедаккха деза 1,9 млрд сом.

Цу боарамах йола проекташ хьакхоллаш хиларо балха моттигаш лу, йоаржаю бизнеса таронаш, мехка туризма оагӏув дегӏайоалаю.