«Гӏалгӏайчен гӏишлошъяра Министерствон комиссе техкар, еррига хьахержа гӏишлош. Уж хьежар дӏадахьа дезача балхашка, белгалдир де дезар, цу гӏишлон технически хьал миштад хьежар. Цига яьча чаккхено хьагойт, кхоачамбоацараш да 14 тайпара тоаде дезача даькъ тӏа. Царна юкъе да тхов, кораш, наӏараш хувцар; ламинат ӏодиллар, йӏовхал чуйиллар, мух кхетийташ йола моттиг кийчъяр, чура бӏеха хиш дӏаухаш йола моттигаш яр, тӏера гӏишлош тоаяр, лагӏаш хувцар, иштта кхы дуккха - дараш», - аьлар «Сердало» газетага республикан гӏишлошъяра Министерстве.

Программа кхоачашъеш дӏагӏоргда 174 млн сом. Гӏишлон балхаш дӏадоладе лерхӏ 2026 шера бекарга бетта, тендера балхаш йистедоаллашехь а. Тоадара балхаш йистедаха лерхӏ керда дешара шу дӏадолалуш, берий таро хургйолаш кердача, дикача хьалашка ха дӏаяхьа, кхерамзлен ӏалашо а йолаш.

Тоадара балхаш дӏахьош хилара бахьан да, уж гӏишлош геттара къаьна хилар, цунга хьежжа тишъенна а я, аьлар моттигерча гӏишлошъяра Министерстве. Еррига хьахержа берий бешамаш къаьнара я, 70-90% кхоачаш. Эггара къаьнагӏъяр хьалъяьй 1972 шера.

Деша даха ха йоацача берий гӏишло тоаяро таро лургья, цига ухача берий кхерамзлен ӏалашо е, хӏама ӏоамадара даькъ тӏа таханарча дено дӏадехаш дола хьалаш лоаттаде, иштта цу гӏишлон ха йӏаьхъе, цул совгӏа юрташкара куц леладе.

Кхувш йоагӏача тӏехьенна йоакхо еш хилар - из керттера декхар да вай паччахьалкхен политикан. Цу даькъ тӏара ца йоалаш дӏайодаш я Гӏалгӏайче, таханарча заман хьалаш хьакхоллаш, хӏама ӏоамадара даькъ тӏара хьал кхераме хургдоацаш къахьегаш. Республике даим кердадоахаш да, мехка эггара зӏамагӏа болча бахархой хӏама ӏоамадара хьалаш дика хилийтара лаьрхӏа дола балхаш.

Из программа дика кхоачашъяро 2026 шера, цхьаьккха лоархӏаме гӏа боаккхаргба, хӏама ӏоамадара даькъ тӏара хьал дика лоаттадара. Из гӏишлош тоаяр хинна ӏац, из да республикан хургдар инвестицешца хьаллацар, вай мохк дика дегӏабоалабар.

Республикан гӏишлошъяра Министерствос чӏоагӏду ше кийча хилар цу лоархӏамеча балха эшаш дар лоаттаде, «Дезал» яхача программанна дикагӏа йола таронаш лелаеш. Юххера а, чаккхе: кхувш йоагӏача тӏехьен лаьрхӏа дола кхераме доаца вахара хьалаш хьакхоллар.