Дукха ха йоацаш Академе юкъеяьккхар ший доалахьара искусственни интеллекта хӏама лархӏара боккха болх дӀахьош йола оагӀув. Проекта тоабо, Магасерча «Ишкола 21» доакъашхочо Султиганаькъан Назира кулгал а деш, цаӀ хургйолаш вӀашагӀтехар лакха овсарле йола хӏама лоархӏа массехк машин. Цо хӀанз йоккхача центро санна болх бу, цунна карагӀдоал меттай чоалхане 600 миллиард боарам бола кепаш чакхъяха. Хӏанзчул тӀехьагӀа, цу тайпара таронаш хургья таьрахьий дегӀаахара Академе ший доалахьарча даькъ тӀа, цо таро лу хоамаш лораде, цу тайпара оагӀув лелаяра дӀадодар мел да ха, иштта кхыча паччахьалкхен интернета болхлой ца эшаш болх бе.

Из болх беш я, таханарча заман хьаькъала кӀийлен тӀа хьаяь хиларах, йоазон мах оттабар, автоматически таржам дар, дукха хоамаш чакхдахар чу а лоацаш. Цу кепаша дӀадехар да дикка дагардара низ хилар, уж дукхагӀа йолча хана лелаю йоккхача технологически компанеша.

Кластера даькъ тӀа кеп хьайийллай Kӏmӏ K2.5 . Цул совгӀа, укхаза хьаллоац таханарча заман йийлла кеп юххьанцарча чувалара дӏоагӏа– gpt-oss (от OpenAӏ), DeepSeek, Qwen долаш. Цо таро хулийт тайп-тайпарча декхарашта дикагӀа хургдола хьалаш лаха – цхьан тайпара долча хьалашкара царна тарра долча хаттарашка кхаччалца.

Тохкамхошта лоархӀаме да, из беррига болх Академе чухьнахьа хилар, хӀана аьлча дешачар, болхлой хоамаш чурча сервисашка дӀалуш дац. Кхыча дешашца аьлча, таро я ца кхераш чурча материалашца болх бе, иштта доалахьара кепаш дегӀайоалае.

«Из доалахьара экспертиза вӀашагӀйоллара боаккхаш гӀа ба, цо чӀоагӀду федеральни боарам тӀа технологически экспертиза ший доалахьа хилар.

Хьакхеллача оагӀоно хьаелл дика таронаш: дешачарна таьрахьий новкъостал дар, декхар кхоачашдеш хиларга автоматически хьажар, моттигерча меттай белгалонаш Ӏомаяр, тохкама проекташ дегӀайоалаяр, иштта кхы дуккхадараш»,- аьлар таьрахьашца дегӀаахара Академе.