Иштта цхьана болх дӀахьош хилча, накъадаргда дешара даькъ тӀара кхетам балара болх тоабе; вахаре бехктокхаме бола, Даьхенна гӀулакх дара кийча бола нах кхебе.

«Цига иштта дийцар мехка ишколаш яьха дешархой Росгварде тӀема институташка, академе оттара хаттараш, уж я Перме, Санкт-Петербурге, Новосибирске, Саратове. Хургболча абитуриентий таро хургья лаьрхӀа йолча оагӀонаш тӀара деша оттара хьалаш довза, цох бола хоам кӀоаргагӀа бовзара, ГӏалгӀай Республике гӀолла йолча Росгварде урхаллене шоаш дӀа а баха, ха деза из»,- аьлар «Сердало» газетага ГӏалгӀайчен дешара, Ӏилман министерствон зарбан болх лелабераша.

ГӏалгӀай Республике гӀолла йола Росгварди латт дукхача доакъоех, цо Ӏалашъю мехка кхерамзле, иштта бокъонаш лораю. Цунна чуйоагӏа лаьрххӏа йола бокъонаш лораяра моттигаш – ОМОН, СОБР, лицензеш хьаязъю центр, ведомстваца боаца ха ду болхлой.

Доазон тӀарча Росгварде бӀухой, болхлой дика болх дӀахьош ба кагирхошца. Из лаьрхӀа да, кхувш йоагӀача тӀехьенна тӀема, граждански сакхетам совбаккхара, бокъоний оагӀонаш царна дикагӀа йовзийтара, Даьхен хьашташ кхоачашдара шоаш бехктокхаме хила безилга цар тӀаэцара, кагирхой профессиональни оагӀув тоаяра, юкъара граждански белгалонаш лораяра, закон а Ӏадаташ а цхьана бувзам болаш, Даьхенна амал дар дӀадахьара тӀехь леладара.

Тахан кагирхошта цу тайпара кхетам балар лоархӀаме да, цо дукхагӀа тешам чуболийт кагирхошта, Ӏаьдала мугӏарашкара болх безаболийташ, Росгварде болх а дукхагӀа наха дӏабовзийт, дика болхлой кхебе, амал дикагӏа де таро лу, иштта лоархӀаме да цо кагирхой воча хӀаман тӀакхувш хилара хьал лаьгӀдеш хилар.

Даьхенцара безам совбоаккхаш кхетам балар - ГӏалгӀайчен юкъарча дешара политикан керттера декхар да. Росгвардеца цхьана бувзам лелабаро таро лу денал гойташ болча балхаца, кхетам балара болх а тоабе, дешархошта къаьгга гойт амал дара хьал, бокъонаш лораерий доакъошка болх бе тӀахьех уж, нийсача наькъ тӀа балара дикагӀа йола балха цхьа оагӀув из хилар царна хьалхадоаккхаш.

ГӏалгӀайчен дешара, Ӏилман Министерство, моттигерча Росгварди шоайла бувзам лелабе кийча хилар дикача оагӀорахьа накъадоалаш да, кхувш йоагӀа тӀехье лерттӀа хьалкхееча.