«Цига тӀема мугӀарашка латтача вай бӀухошта эшаш мел дар, де йиш яр вай дергда. Массахана а тхога хьаоалаш хила дезар фуд, малагӀа продукташ, тӀабувха гӀирс эш, шун оагӀув оаха хьаллоацаргболаш. Ховш да, тхо шун дезалашта мел эша хьалаш лоаттаде дезаш хилар. Из Ӏаткъаш да СВО доакъашхошта. Оаха шух доаккхал ду, из тӀом йистебаьлча, дерригача дунено хам бергба шун. Шоана деннача тӀема совгӀаташа хьагойт шо фу бӀухой да», - аьлар Келаматанаькъан Махьмуд-Ӏаьлас. Белгалдаккха деза, Хьоашаланаькъан Султан СВО цӀихеза ва, аьнна. Цун тӀема совгӀаташта юкъе йиъ Денала орден я. Эпсаро, юххьанца денз, ше денал долаш хилар массайолча тӀема моттигашка хьагойтад. ГӀалгӀайчера бӀухой лаьрххӀа йола тӀема операци дӀахьоча латт, цар хьагойт моллагӀа дола тӀема декхар кхоачашде шоаш кийча хилар. Цар керттера лоархӀар да, маьрша нах лорабар, мохк воча нахах кӀалхарбаккхар.