Хьун кхерамзле лораяра гIулакхаш кхоачашдеш ба МЧС болхлой
«МЧС Ингушетии проводит профилактическую работу по предотвращению пожаров в равнинной и горной местности республики», — сообщили в главном спасательном ведомстве Ингушетии.
Уж юрташ хьуна юхе яда, цунга хьежжа, лорае езачарна юкъе хьалха латт. МЧС болхлочо Хамхой Тамерлана яхачох, болхлой шоай гIулакх дIахьош ба тахан. ЦIаьхха хила тарлуча хатара лаьрхIа оттаде деза каьхаташи плани кийча да. ДIадахача шера, вай регионе, хьунагIа цIи яьнна кхо моттиг хилар.
ЦIеро дIалаьца хинна доазув, цу хана, 14 гектарага кхоачаш дар. Цу гIулакха болхлоша теркалду, соахкара йокъаенна йоли, лаьттара къаьна буци йоагаяро, цIи доккха зе деш дIа-хьа йоаржае йиш хилар.
Цу хьала тIа из ца кхачийта гIерташ, тахан, нахаца къамаьл деш, ма дарра, дерригнех уж дIакхетабеш болх дIабахьа арабаьннаб МЧС болхлой. ЦIераца лоралуш хилар дех цар, бахархошка!
