МЧС хьежар автозаправкашка
13.10.2023 10:25
ГӀалгӀайчера МЧС болхлой, прокуратура болхлошца цхьана Шолжа кхален автозаправкаша мишта болх бу хьежар, яхаш, хоам бу «Сердало» газетага из болх вӀашагӀбеллараша.
ДӀабихьача балха чаккхенга хьежача, цхьадола кхоачамбоацараш нийсделар: ха чакхъяьнна цӀи йоаяра бола гӀирс; цӀи йоаяра лаьрхӀа хий лоаттадеш йола моттиг; цӀи яьнна хиларах автоматически хоам беш йола моттиг хила езача беса яцар, цул совгӀа, хила дезаш дола массехк договор дацар. Цига хьожаш хиннача комиссе доакъашхоша хоам бир, автозаправкашка нийсденнача кхоачамбоацарех, иштта тӀадиллар лоаццача хана уж дIадахар», - йоах хоамо.
