ГIулакх довзачар яхачох, къаьстта шоай доалахьа цӀенош дарашта цIи ялара кхерам дукхагIа тIалатт. ДукхагӀча даькъе из дувзаденна да цӀерах лоралуш цахиларца. Эггара чӀоагӀагӀа лоравала веза ха я ара шелал эттар, газ цхьан боарамах хьаяйташ хилац цу хана. Цудухьа бахархоша къаьстта терко тӀаяхийта еза, газаца дувзаденначоа. «Цу тайпара болх дӀахьош, говзанчаша бахархошта дийцар, мишта лоралуш хила веза угара газ хьаухаргйоацаш, наха цо зе дергдоацаш. Из доацаш а, цу наха, йӀовхал лоаттае еза ха хьаэттача цӀи яргйоацаш, хьалхара де дезар белгалдеш дола дагалоаттама каьхаташ делар», - аьлар чоалханерча боахаме.