Хаоттамца хувцам хиларах хоам беш я МЧС
09.08.2026 19:16
Маьцхали бетта 9-ча, 10-ча деношка; хаоттам хувцалуш хьал оттарга кийча хила, яхаш, хоам беш ба мехкарча МЧС болхлой. Бахархошка, иштта мехка кхаьчача хьаьшашка фийла, моллагӏча, цу оагӏонца нийсдала тарлуча хӏаманга кийча хилар дех тахан.
«Сердалога» МЧС бенача хоамах, лоаман юрташка санна, шаьрача моттигашка а ди детташ, ша тохаш, геттара чӏоагӏа догӏаш хила тарлуш да.
Иштта секунда 20-25 метрага кхоачаш мух хилар кхерам болаш да хьал. Ишттача мухо гаьнаш кагьеш, рекламанна оттадаь улгаш легадеш, тховнаш дӏакхухьаш зе дар кхерам ба, геттара чӏоагӏа долча догӏаша хин боарам айбе тарлу.
Укх шин дийнахьа лоралуш хилар, лоаман моттигашка цаахар дех бахархошка МЧС!
Моллагӏа хатар нийсденна болх хуле, 112 телефон дӏатоха еза, хье ца луш.
