Ма дарра, ер гIулакх дувца эттача, укх шера хин гIулакха аьнна Галашкен хьакъоастадаь цхьа сом ахча дац, бакъда, иштта, Даьла духье лелаеча наха аттачахьа доаккх бахархой хьал.

Юрта кулгалдеча Оздой Мурада яхачох, из доккха гIо да юрта бахархошта. Хин турбаш мукх йиа шоаш дуаргдар диа яьнна дукха ха я. Уж хувца рузкъа доацаш дар тхо, таханарча дийнахьа. Даьла духьа оарцагIа боагIача наха, тоаду бахархой гIулакх. ДIадахача шера а 7100 метрах йола турбаш еннаяр, Вахас, укх юрта. ХIанз из болх дIахьош, цхьакха Даьла духье лелаечо, цу гIулакха лаьрхIа экскаватор елар, цхьаькхане шийгара гIум яйтар.

Иштта беркате дIабахар болх, доаццачара, Дала гIо а дайта. ХIанз вай ювцар Галашка мара яц! Мелла дукха даьд Вахас, ше ваьча юрта ДаьттагIе, ше вахача ГIажара-Юрта. Дуккха миллионаш доадеш, наха оарцагIа иха саг ва Ваха. Шолжа-пхьерча района кулгалхочо доккха баркал кхайкадир, цунна, нахах дог лазаш волча сага.

«Черкиев Вахас дийца варгвоацаш доккха дикаш даьд укх района. Хий чудила турбаш, насосаш, трансформатораш — ийдаьд. Цул совгIа, дукхача моттигашка свет чуйилай, доккхий наькъаш, тротуараш дехкад. Укх къаман наха оатто еш Iа хьега къа, Дала маьлехь долда хьона! Аьттув, ираз долаш хилда хьа вахара денош! ЦIаккха а дицлургдоаца дикаш да Iа, тахан, доаржадераш!», — язду Мухьмада.

Белгалде лов, тахан, иштта дикаш кхоллаш воалла саг шийна кхоанара , Iаьхартера вахар тоадеш воал . Цига гургда, тахан, ше укх лаьтта даьр, Даьла къахетамнца.МоллагIчо кхетадергдолаш хIама-м дац из...Даьлагара цхьа доккха дика да-кх из кхетаде дог хилар а. Тахан майрра ала йиш я, наьха гIулакха оарцагIваьнна, ший рузкъа ца кходеш лела, Ваха царех ва аьнна.