Хьакхаьчача, оарц квартирий наIарга лерг дехкаш, ладувгIаш чакхбаьннаб. «ХIара квартира наIарга ладувгIа эттача, берий узамаш хезар сона. Ма даггара, хIама етта йолаелча, цIен да халла ниI хьайийла, сакхетам чура ваьнна, Iовежав.

Квартире чуийккха чехка кораш, ниI хьайийла фо чудайтар аз. Диъ бери, цар нанеи сакхетам чу боацаш бадар. Оарц хьатIадийхар аз кхы а. НаIарах хIама етташ лоалахой арабаьха, тхоай болхлошца арабаьхар оаха цIагIа лийга бадараш», — дийцар сиха доагIача оарца юкъе йолча лора, Мейренаькъан Хаьде. Кхы а кхо машен хьатIакхаьча, реанимаце Iочубигар оаха берригаш. Таханарча дийнахьа, дезал могаш-маьрша ба.