«Шолжа кхален хьунашка гӀолла гобоахаш лелалаш, тӀадоагӀача Ӏан деношта кийчо еш йоахкача чани цун чайтоангаи тӀанийсвеннав чарахь вола Бесайнаькъан Мухьмад.

Цар леладер зувш ха яьккхай чарахьа. Ӏуйран, саг тӀакхоачаргвоацача моттиге, шоашта Ӏан ха яллалца дӀаювша моттиг кийчъеш хиннай нана чаи чайтоанги», - йоах Ӏалама гӀулакхах йолча министерствон телеграм-канале.

Шоай чайтоангаш тӀехьаяьхе, дегӀа-низа тоалургйолаш, бӀараш лехаш лелаш хул чарч хьунагӀа. ХӀара денна из болх лелабу цар, Ӏан бетташ даха эшаш бола низ дегӀа чуболлалца.

Хьадувцачох, шоашта эша низ хӀанз а Ӏобаь яьннаяц уж, цул совгӀа, бӀаьстан ха санна дӀайха латтача гуйран деноша хийцад цар вахара хьашташ.