Ишколай кулгалхошца кхетаче дӏайихьар Шолжа-Шахьара мэра
15.05.2026 10:08
Шахьара мэр Ӏумаранаькъан Аслан волча гулбеннача ишколай кулгалхоша шоай балхаца нийслуча халонех дийцар.
«Шахьара моттигаш тоаеш болх дӏабахьарах дийцар кхетаче. Дешархой юкъелоацаш кхетаченаш дӏакхахьар, спортаца дувзаденнараш меттадоаладар лоархӏаме долга белгалдир цига. Ишколай кулгалхоша теркалдир, дешара моттигий ковнашкара куц хувцаш, цхьацца кхоачамбоацараш юстардоахаш кулг тоха дезилга.
Иштта шахьара даьна баркал аьлар цар, шоашца бувзам лоаттабеш, цу оагӏонца дувзаденнараш меттадоаладара тӏехьа къахьегаш хиларах», - дийцар тхога администраце зарбан болх лелабераша.
«Дешара моттигашка эшаш бола кхоачам ӏалашбар, йоккха терко лоаттаяр тахан лоархӏамеча декхарех да, хӏана аьлча берий кхерамзле лораяр кертте латт», - дийцар мэра.
