Наькъий хьал лорадеш ба цу даькъ тӀара болхлой
13.11.2023 09:14
Ди, бийса ца къовсаш; вай мехкарча наькъий хьал лорадеш, тӀахьожам лоаттабеш ба наькъашка хьожаш йолча министерствон болхлой. Иштта Наьсарерча, Шолжа кхалерча наькъаш цӀенде арабаьнна хилар уж хьинаре къахьегамхой.
«Наькъа йистошкара хотташ, нувхаш дӀайоахаш, цига гӀолла дӀа-хьа ухарий бӀарг хьоастаргбола сурт наькъашка хилийта гӀерташ, къахьийгар цар.
Цхьайолча моттигашка наькъаш чулоацаш увттадаь аьшкан сунташ дулаш, басар хьокхаш, болх бир цар», - йоах тха газетага кхаьчача хоамо.
