Наькъашта доал деча министерствон болхлой, лоа дӀадаккха арабаьннаб
06.02.2024 13:49
Бийсан денз арабаьнна, салоӀам боацаш, лайх наькъаш цӀендеш, ша бужаргбоацаш наькъашка хӀама тоссаш, къахьегаш ба наькъий гӀулакхах йолча министерствон къахьегамхой. Из хоам тха газетага бу министерствон зарбан болх лелабераша.
«Машенаш сиха ма лехка, шоашта гонахьардар зувш, фийла хила! Доккха гӀулакх кхоачашде дезаш деце, боккъал а цӀагӀара ара ма дувла, наькъаш цӀендеш йоахкача машинашта новкъарле ма е! ТӀаьда, деза лоа да селхан бийсан денз ӀотӀаделхаш латтар», - яхаш, кхайкарал ду наькъаш цӀендеш боахкача къахьегамхоша машинашца леларашка.
Вай массане лерхӀам бе безаш, хала болх ба цу къахьегамхоша бер. Маьрша лелаболба уж Дала!
