Наькъашкарча хьалага хьожаш ба, цу гӀулакхах бехктокхаме нах
15.02.2024 09:15
Республикерча наькъий хьал лорадарах йолча министерствон болхлоша тӀахьожам лоаттабу вай мехкарча наькъашта. КӀоагаш даьнна, деха наькъаш тоадеш, арабаьнна боахкар республике цу мугӀарера болхлой. Маьлха беса дувхар леладу нах, шоай балхаца лерхӀам лелабеш, ара моллагӀча тайпара хаоттам хиларах, наькъашка къахьегаш хул. Из хоам тха газетага бир министерстверча зарбан болх лелабераша.
«Наькъашкара кӀоагаш дӀадукъаш, наькъа йистош, гӀаш леларашта билла никъ цӀенбеш баьхкар болхлой», - белгалдир министерстве. Беркате хилба цар болх! ХӀара денна воашта наькъаш тоадеш, цӀендеш лелача цу нахаца лерхӀам лелабе беза вай массане.
Юхе гӀолла тӀехвоалаш, хозача дешаца баркал аьнна, ловца баьккхача а дог гӀоздоал къахьегаш воаллачун.
