Автобусашца леларий «Мир» картаца ахча дӏатела аьттув хургба
«Мир» яхача къаман картаца ахча дӏалуш хилча, тум кходе аьттув луш болам ба мехка дӏахьош. Цу гӏирсо болх мишта бу хьожаш, рейд дӏайихьар наькъий, машиний гӏулакхех йолча министерствон болхлоша. Цу гӏулакхо гучадаьхар массехк оагӏонцара кхоачамбоацараш. Царна юкъе дар валидатораш лерттӏа болх беш цахилар, «электропитани» цатаар, иштта цхьацца йолча терминалашка тарифни сетка харцахьа хьаоттабар, бувзам цахилар.
«Технически болхлой орцагӏбаха безаш хилар гӏулакх. Гучадаьнна кхоачамбоацараш юстардахара тӏехьа къахьегаш хилар цига. Болх беш йоаца пхи валидатор, тоаяйта, юха дӏаоттайир автобусашка. Ахкан хьалхарча бетта картаца ахча дӏаденнараш 107 саг вар, кӏимарса бетта - 126, хӏаьта укх бетта хьалхарча 16 дийнахьа - 92. Хьагучох, маьцхали бетта, ахкан шоллагӏча бетта хинначул шозза лакхагӏа хургда из гӏулакх. Цу оагӏонца дувзаденнараш лертӏа хилийта гӏерташ къахьегаш ба тахан Минавтодортрансе», - йоах «Сердалога» цу моттигера бенача хоамо.
Массайолча автобусашка из гӏулакх боаггӏача боараме хьаоттаде хьожаш хургба дӏахо а. Хьаоттаяь латтача тарифах «Мир» картаца шийгара доагӏар дӏаденна, ӏовала аьттув болаш хила веза автобусаца дӏа-хьа ухачарех хӏаравар.
