ГӀалгӀай къаман
юкъара газет

Кердадараш

Дешара, Ӏилман министр Палестинера бераш долча яхар

ГӀалгӀайчен дешара, Ӏилман министр Боканаькъан Аьсет хьежар, газа сектора даькъ тӀара беха вайцига хьабаьхкача наьха берий дешар дӀа мишта дода. Уж Наьсарерча №4 йолча ишколе дешаш ба, лаьрххӀа йолча программах, из вӀашагӀъеллай цар наьна мотт, культура чу а лоацаш.

Цо таро лу дукха Ӏазап лайнача, мехках баьннача наьха берашта луш бола кхетам царна аьттув болаш хилийта. «Цу берашта хьехаргдолаш, эрсий а Ӏарбий а мотт ховш бола хьехархой бийхаб. Цо таро хулийт дӀахо дегӀааха а иштта шоаш болча моттигера хьал дикагӀа тӀаэца а, моттигерча нахаца сихагӀа дӀаувргбола никъ лаха а. Цул совгӀа, хӀара бера лаьрххӀа вола хьехархо-логопед ва, цар новкъостал ду хьадеш дола къамаьл дикагӀа мотт корчалуш хилийта а, дувцар дикагӀа дегӀадоаладе а; из доацаш а, царна тӀехьаоттабаь психологаш ба, цар дешача юкъа вахара хьалашца дIаӀомабалар аттача даккха къахьегаш», - аьлар «Сердало» газетага Боканаькъан Аьсета.

Министр кулгаш даьсса янзар бераш долча. Цо царна делар, дешача эша гIирсаш, эрсий метта книжкаш. ЗӀамигача палестинцаша гӀадбаха хьаийцар, дӀахо дешар тIа шоашта накъадаргдола совгӀаташ.

Белгалдаккха деза, ГӀалгӀайче деша дагӀача палестинерча берашта эшаш дола хьалаш вӀашагӀдехкад, хӀаранена эшаш дар теркалдеш, дешаш болча юкъа халонаш нийслургйоацаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде