ГӀалгӀайчен дешара министра могашал эшаеннача бера дагалаьттар кхоачашдир
Керда шу хьатӀадоагӀаш, ГӀалгӀайчен дешара, Ӏилман министра Боканаькъан Аьсет яхар Заьзгакъонгий-Юрта баха Лаьнанаькъан дезал болча, цар дог гӀоздаккха. Къаьстта терко йир цо зӀамигача Мухьмада; физически лерттӀа дегӀавара, ловзара эша гӀирс боацаш вар из. Министра маганзар, цунна дагалаттар кхоачаш ца деш Ӏе.
«Ше могаш воацаш хиларга хьежжа доацаш, чӀоагӀа хьинар долаш а безаме а ва пхи шу даьнна Мухьмад. Интерактивни техника новкъосталца, физически оагӀорахьа дегӀава таро хургья цунна. Иштта Лаьнанаькъан дезалца вӀаший бовзар а хилар: наьнаца Азайца, йижарашца Фатимайца, Хьавайца, вешийца Ӏаддал-Рашидаца», - аьлар Боканаькъан Аьсета «Сердало» газетага».
Керда шу хьатӀадоагӀаш, хӀара бера сатувс, ший дагалаттар кхоачашхиларга, яхаш, дийцар министра. Цо яхачох, кхыча кулгалхоша а иштта дакъа лаца мег цу лоархӀамеча гӀулакха юкъе, берий дог гӀоздаккхар духьа.
