ГIалгIайчен гIишлоннеи ЖКХ (аи) министра дийцар, республике дукхача хана денз, хьалъеш латтача объектий хьал
В интервью «Российской газете» министр строительства и ЖКХ РИ Микаил Балахоев рассказал, каким образом удалось завершить долгострои республики. Речь идет о трех детских садах в Новом Реданте и Сагопши, школе в Карабулаке и двух многоквартирных домах в Малгобеке.
Уж яр СоагIапчеи, Кердача-Редантеи хьалъеш лаьтта кхоъ берий беш, иштта Илдарха-ГIалий тIара ишкола, МагIалбикера шиъ дукхаза вIаштардаь цIенош.
Массехк шу хьалха, подрядчикаш уж объекташ хьалъе болабеннабар, цул тIехьагIа из болх юхасецар, хIаьта цу гIулакха хьахьожадаь хинна ахча, цу хана доацаш дар. Из ховш дар ерригача республика. Кердача цIеношка дIачубаха беза нах раьзабоацаш бар. Из кхетаде хала а дац, хIана аьлча, фусамах (квартира) ахча а телаш баха безаш хилар уж. Цул совгIа, шоай цIенна гаьнайоацаш йолча ишколе аха дезаш дола бераш, шахьара йисте аха дезаш хилар. Илдарха-ГIалий тIара ишкола хьалъеш яр, къаьнара ишкола хиннача моттиге. Кхо бIаь совгIа бер, кхыча дешара кхуврчашка, дIа-юха дийкъа лийлар, деша ухаш. Цу дерригача бахьанаша, бахархой эгIазал сомаяьккхар.
Из хаттар кхоачашде атта дацар, хIана аьлча, Iаьдала, из болх бе аьнна дIаовттабаьраш ахча хьаийца дIабахабар. Уж уголовни бехктокхаме озара дола гIулакх, дIачуделар суде.
Бакъда, из хьал аттача даккхара никъ лехар ГIалгIай Республика Кулгалхочо, Келматанаькъан Махьмуд-Iаьлас.
Цо бокъо елар, Республика Къаман фондера ахча цу гIулакха дIадахийта. Фондера 46 миллион сом Илдарха-ГIалий тIара ишкола хьалъеш дIадахар. Цу тайпара, еррига ялх объект, хьалъяь яьккхар кхыча гIишлон организацеша-субподрядчикаша.
ХIанз, укх сахьте, дукхача хана денз хьалъе йолаяьча объектех шиъ йистеяланза я. Уж я ТIой-Юртара берий беш, Пхьилекъонгий-Юртара диспансер. Берий беш, кастлуш хьалъяь а яьнна, дIачулуш хиларах бола хоам цкъа хинна а Iийнабац. Бакъда, хIанззалца из бакъхиланзар. Хетаргахьа, укхаза а, республика Кулгалхо юкъе ва везаргва.
