Цхьацца кхоачамбоацараш корадир кердача дарбанче. «Диспансера болх ма хетта дӀагӀоргболаш, кхоачамбоацараш юстардаьха хила деза. ГӀишлошъяра балхах йолча министерствон къахьегамхоша ма хулла сихагӀа тоадергда аьнна хет из гӀулакх», - аьлар унахцӀенон министерствонна кулгал деча Антошканаькъан Заремас. 150 сага дарба де моттигаш йола, цхьан сменах 100 совгӀа саг тӀаэца лаьрхӀа диспансер «УнахцӀено йоаржаяр» яхача паччахьалкхен программага гӀолла хьалъяьй. Унахошта психиатрически, наркологически оагӀонца гӀо деш хургья из дарбанче.