ХӀанз цига 10 сага лаьрхӀа керда эндокринологе отделени хьайийллай, министр ше яха хилар, цигара балха хьал довза дагахьа. Кердача отделене таронаш я, таханарча дено дӀадеххача беса, унахо лорашка чакхваккха, лазар гучадаккха, эндокринологе даькъ тӀа эшаш дола дарба де. Массанахьа хьежа чакхъяьнначул тӀехьагӀа, министра белгалдир, керда хьайийллача отделене эшаш дола дарба де таро йолга, унахошта новкъостал дара мел эшаш бола гIирс укхаза болга. «Эндокринологена чудоагIа лазараш чӀоагӀа терко лоаттае езаш да. Укхаза унахошта мел эшар долаш да, из царга дӀакхоачаш а хургда, массе оагӀорахьа лазар малагӀа да хьожаш чакхбахара а иштта царна эшаш дола дарба дара а», - аьлар Антошканаькъан Заремас.