ГӀалгӀай Республикан кагирхой политикан, туризман Министерство цхьана болх дӀахьоргба, Наьсарен ахархой техникумаца. Цунга баьккха хьалхара гӀа хилар, ГӀалгӀай Республикан кадрови политика, балха говзал яраш дегӀабоалабара дош дувцаш дӀайихьача кхетаченах, яхаш, дийцар «Сердало» газетага цигарча зарбан болх лелабераша.

«Гуллам дӀахьош, Наьсарен Заьзганаькъан И. цӀерагӀча ахархой техникума кулгалхочо БӀарахой Башира керда кхеллача боахама кулгалхочунга ший проект гойтар. Автора лерхӀачох, кердадар юкъедоаладаро таро хулийтаргья, ГӀалгӀайче кадрови политика тоае.

Министра Малсаганаькъан Адама хьалхашка оттадаь декхараш, проекта болх тоабе дӀабахьийтар административни отделе», - аьлар хоамо.

«Оаха колледжаца баь барт дикача оагӀорахьа Ӏаткъаш хургба кагирхошта, хӀана аьлча ди тӀехьагӀа тайп-тайпарча балха даькъош тӀа эшаш бола говзанчаш дукхагӀа хургба», - аьлар Малсаганаькъан Адама.

Белгалдаккха дезаш да, ГӀалгӀай Республикан туризман, кагирхой политикан министр ше а цига дийша хилар, из тӀехдика дийша ваьлар 2010 шера.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде