ГӀалгӀай къаман
юкъара газет

Кердадараш

Дешареи Ӏилмани гӀулакхех йолча министерство книжкаш дахьийтар Токмакски кхаленна

Токмакски кхалерча кулгалхошца вай республико яьча чӀоагӀон тӀагӀолла, колледже деша багӀача студенташта, 1-ча, 4-ча классашка дешаш долча берашта лаьрхӀа украински меттала дола книжкаш, стендаш, иштта кхыбола кхоачам бахьийтар вай мехкара. Из хоам «Сердало» газетага бу дешареи Ӏилмани гӀулакхех йолча министерствос.

«Цу тайпара новкъостал тахан геттара чӀоагӀа эшаш да цу наха. Токмакски кхалерча дешархошта, хьехархошта могаш дола гӀо лоаттаде хьожаш ба министерствон болхлой», - йоах тхогарча хоамо. Цул совгӀа, вай мехкарча дешара моттигашка дӀабихьар «Бераша - берашта» яха беркате болам. Токмакски кхалерча ишколай библиотекашта исбахьален литература гулдир иштта. Кастта цига Ӏокхоачаргда книжкаш. Цу кхалерча берашта доккха совгӀат хургда царех.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде