Гӏалгӏайчен спорта министерствос жамIа дир, 2025 шера баьча балха
08.01.2026 00:56
Физически культуран, спорта Министерствос, 2025 шера баьча балха чаккхе еш, кхетаче дӏайихьар, аьлар «Сердало» газетага цу боахама даькъ тӏара зарбан болх лелабеча Гӏаппархой Аишас.
«Дӏадахача шера балха тӏа даьхача толамех дувцаш, спорта кулгалхочо Белхарой Руслана терко тӏаяхийтар, министерствон даькъ тӏа, бе-беча цун моттигий кулгалхоша дика къахьийга хилара, къаьстта уж толамаш дахар бахьан долаш, мехка физически культура дегӏайоагӏаш я. Министро иштта белгалдир, дӏахо а барт болаш къахьега дезилга, лоархӏаме декхараш, проекташ кхоачашъяра хӏанз санна болх дӏабахьа безилга», - йоах хоамо.
Цул совгӏа, кхетачен доакъашхошта вовзийтар спорта министра керда гӏонча Йовлой ӏадсалам. Белхарой Руслана цун болх даькъалабийцар.
