СовгӀаташца белгалбаьхар спортаца хьоашал дараш
Спорта гӀулакхахи физически культурахи йолча министерствон кулгалхочун гӀонча волча Белхарой Руслана спорта говзанч яха цӀи, ахчан совгӀат делар ГӀайтакханаькъан Мовлатгирена. Из хоам «Сердало» газетага бир цу моттигерча зарбан болх лелабераша.
«ГӀайтакханаькъан Мовлатгири иштта дезача совгӀатаца белгалвара бахьан дувзаденна дар, дукха ха йоацаш СКФО дӀайихьача боксах йолча чемпионате «Россе спорта говзанч» яхача къовсаме цо котало яккхарца.
«Ерригача Россе «А» классах йолча яхьашка, «Россе къонал» яхача, иштта кхыйолча а лоархӀамеча яхьашка, чемпионаташка белгалвийнав Адам. Спорта гӀулакхех йолча министерствон кулгалхочунгара доккха баркал оалаш дола каьхат делар цун тренер волча Хамхой Ӏаддал-Къаьдара», - йоах тхогарча хоамо.
Боксёра баркал оалаш, Белхарой Руслана хьоахадир; ший наькъ тӀа хьинаре, бехктокхаме къахьегача сага мара иштта толамаш даха низ кхоачаргбац, аьнна.
